مشاهدة النسخة كاملة : هاجس الزواج


احلامي حقيقة
05-03-2011, 05:35 AM
السلام عليكم ورحمة الله وبركاته



حلمت اني انا واختي الكبيره واختي اللي اصغر مني رايحين لزواج قريبه لصديقة اختي الكبيره بنعطيهم غرض وبنمشي
دخلنا القاعة وسلمنا على صديقة اختي ولما جينا بنطلع طلعت اختي الكبيره بعدين الصغيره وانا اخر وحده فمسكت يدي صديقة اختي وقالت لاختي من هذي ماعرفتها قالت لها اختي هذي فلانة (انا)
فقالت لها متزوجه قالت اخي لا ،، قالت طيب اجلسو في ناس بيجون للزواج يدورون بنات ويمكن ربي يرزقها وفعلا دخلنا وجلسنا
كان الزواج (بدو) ومو تقليل فيهم بس يعني الحضور واضحه اشكالهم
جلسنا ننتظر مافي احد جا ،، الإ ام البنت سلمت علينا وجلست عادي ، ننتظر ننتظر


شوي الا دخلت (رجاء الجداوي) ممثلة مصرية معروفة وسلمت علينا وكانت لابسه فستان ساتر اسود فيه لولو ابيض
قالت ان فستاني خرب ولبست هذا القديم حتى ان اللولو كان يطيح منه وهي معاها ابره وخيط وتخيط فيه قدامنا

جلست قدامي وقالت فستانك يجنن كأنك ملكة وعلى اللبس حلو حتى اني شفت قماشة بالسوق وماتخيلته بيطلع حلو ،، انا بالحلم مالبست فستان كنت لابسه عباية وطرحه
لكن كانت توصف فستان جديد عندي بالحقيقه انا مفصلته لزواج اختي بعد شهرين وفعلا كانت توصفه نفسه

فقلت لها شكرا


شوي الا دخلت علينا زوجة اخوي وبنتها وتفاجأو بوجودنا بالزواج ، سلمو علينا وهم متفاجئين جدا وكانو لابسين اسود
بنت اخوي ماحطت ولا شي بوجهها كانها مريضة

انا هنا مليت من الجلسة ومحد جا يشوف ولاشي قمت ووقفت عند باب القاعة ودقيت على اختي الصغيره اللي جوا وقلت لها يلا نطلع
وفعلا طلعو خواتي ، وانا عند الباب بأطلع كنت ازين طرحتي الا لقيت شي من طرفها مقصوص على شكل مربع فلبستها بسرعة وطلعت


انا غير متزوجة واختي الصغيره زواجها قبلي بعد شهرين ،، الحلم بالليل امس
الحمدلله مواظبه على الاذكار وقراءة سورة الواقعه والبقرة والاستغفار
نفسيتي اول ماصحيت كانت زفت بكيت شوي


انخطبت قبل اسبوع لشخص في جده ولم يتم نصيب كان الرفض منه مع العلم اني مانسيته وانصدمت انه رفضني
وكثير انخطب ولايصير نصيب والرفض من الرجال دايم

احلامي حقيقة
05-03-2011, 06:12 AM
[quote=احلامي حقيقة;151561]السلام عليكم ورحمة الله وبركاته

احلامي حقيقة
05-03-2011, 09:18 AM
يااااااااااااااااااااااااااااااااااااااااارب

احلامي حقيقة
05-03-2011, 11:39 AM
لاحول ولاقوة الا بالله

المعبرة نجاة النوح
05-03-2011, 12:27 PM
اهلين اختي كيفك يابعدي بسئلك تقرئي الواقعه لايش يوميا
هل انتي جديه مع الاخرين وهل لديك هما وهل لديك شخص يلف ويدور

احلامي حقيقة
05-03-2011, 01:17 PM
هلابك والله اقرائها بنية الرزق ، كثير قريت انها تفتح باب الرزق
الحمدلله انا جديه ، بالنسبه للشخص مدري وش قصدك لكن اتوقع من اللي خطبني والله اعلم عندي احساس انه رفضه لي اختبار والله اعلم
هذا احساس قلبي فقط لأنه يقرب لي واختبرني من قبل والحمدلله عرف اني مو لعابه

احلامي حقيقة
05-03-2011, 01:18 PM
ايضا في شخص طلبت منه وظيفه وطلب مني مال واعطيته وماشفت منه لا مال ولاوظيفه

المعبرة نجاة النوح
05-03-2011, 01:33 PM
اختي هذا بدعه وعليك ان لاتقرئيها بنيه شيئ ما عليك ان تتركيها لانه لم يرد فيها حديث صحيح وكلها من البدع

خيرا رئئت شرا كفيت ان صدقت لرؤيا انتي جديه واحيانا تتعبي نفسيا او يتضايق منك الاشخاص بسبب وجهات النظر والاشاره الثانيه قد يحدث لديك سوء تفاهم مع احد الاشخاص والاشااره الثالثه تكتشفي شخص على حقيقته وقد يكون يلف ويدور عليك ولااشاره الرابعه فرج لك من هم تحمليه باذن الله والاشاره الخامسه استجابه دعوه تلحين فيها ولااشاره السادسه خطوبه لك باذن الله والله اعلم بالصواب
الله يسهل امورك يارب